【教壞細路】
除了問責高官不及格外，梁營多位「猛將」連日來以匪夷所思的詭辯，為主子梁振英開脫罪名，也為市民所憤怒和不齒。有學生批評，由梁粉「大將」邵善波主管的中央政策組收回研資局的公共政策研究撥款權，令人擔心剝奪學術自由，將香港變成一言堂，因此必須上街捍衞學術自由。
邵善波打壓學術自由
邵善波以「左王」姿態強勢登場，更聲言要發動輿論戰主導社會，並收回公共政策研究撥款權。在浸大就讀英語教育系一年級的馮同學指，中策組收回研究撥款權，並設下研究框架要求學者跟從。該學生批評：「咁即係要打壓學術自由，唔聽話嘅就唔撥款畀佢哋做研究」，她又擔心日後學界會變成一言堂，「用錢去控制學者研究啲乜，甚至點教學生，令社會得番一種聲音。」
另一市民關先生指，邵善波令中策組變成「打手」，不再中立也無公信力。梁振英又重用中央政策組全職顧問高靜芝，藉她來審核官員任命，「你睇政府委任埋啲人，得一把聲冇其他聲音，仲唔係打壓言論自由？」
曾任消委會宣傳及社區關係小組主席、港大電機電子工程學系教授許樹源也有上街，他轟梁粉「語出驚人」，「好似前任教育局局長（羅范椒芬），佢要求市民接受梁振英講大話，仲將違法僭建當冇事，我哋係唔可以接受」。他又稱整個管治團隊，上至特首下至問責官員，都表現出有錯不認「大話冚大話」的情況，「有呢班人做壞榜樣，作為老師嘅我哋仲點教下一代？作為父母嘅我哋又點教自己仔女呢？」
《蘋果》記者