呢排天氣忽然變凍，唔少人都病倒，民主黨創黨主席李柱銘都中招，近日唔多舒服，但點唔舒服都好，絕對唔可以隨便放過大話特首狼振英，所以一早話明病住都要遊行嘅馬丁兌現承諾，噚日喺寒風中隨大隊出發，一齊叫狼英下台。
唔like狼振英嘅，又何止馬丁吖？佢老友壹傳媒老闆肥佬黎噚日都同馬丁一齊出動；見佢精神奕奕，一啲都唔似有傳佢有病咁款喎。馬丁向來都係遊行之星，所到之處都有好多市民同佢握手。至於佢有乜新年願望？唔使問阿貴都知，肯定係狼英落台啦；如果狼英賴死唔走咁又點？一句講晒：7.1維園見。