【蛇鼠一窩】
梁振英政府民望低，除了梁本人毫無誠信外，其管治班底也「應記一功」。教育局局長吳克儉負責推行的洗腦國民教育科進退失據、發展局局長陳茂波經營劏房兼酒後駕駛，一個又一個負資產局長將梁振英推落深淵。
不少上街市民自製示威道具，諷刺梁振英及其部下「蛇鼠一窩」，將積壓已久的民怨一次過爆發。
已經退休的陳先生高舉自製紙牌，上面寫着「蛇鼠一窩」，並印有「大話妖精梁振英」、「弱智低能吳克儉」、「劏房專家陳茂波」。他直斥梁振英本人誠信全無，旗下高官「全部係垃圾」，「陳茂波靠劏房搵錢，但佢就做發展局，發展局應該係改善劏房，（但）佢靠劏房發達。」他又說，吳克儉將國民教育科「搞到一鑊泡」，「佢有事就企喺林鄭後面，好似弱智低能」。
上梁不正下梁歪
不少市民都製作諷刺其他高官的道具，為「主角」梁振英以外添加點綴。市民王小姐批評，上街除了不滿梁振英大話連篇，更不滿他揀選的高官尸位素餐，「大家都有眼睇，吳克儉佢邊有資格做局長？」
她又指政務司司長林鄭月娥已經「民望用凸晒」，「佢喺上屆政府民望最高，但加入新政府後已經俾其他人不斷拖累，民望輸凸晒啦」。
另一名市民李先生直言，整個管治階層的高官都不及格，「所有唔應該做嘅嘢都做晒，由梁振英呢個行騙長官開始，下面每個官都成日做錯嘢唔認。」
《蘋果》記者