熱錢多 利股市 散戶李小姐
「未來一年恒指可以上到去25000點。如果有足夠利好消息，上半年就可以去到呢個水平。因為港股已經三年幾未好過，應該唔會再插。家熱錢不停湧入，香港樓金股滙中，股市就最殘，資金就會流入股市。加上內地新領導人上場，一定想做些成績出來，A股都應該會好。」
唔敢一味睇好 經紀呂先生
「唔會一味睇好家個股市，因為好似波浪理論都講，股市唔會一支箭向上。好多人都話A股見底，但內地其實唔會再似以前咁高速增長，同埋有太多風險因素睇唔通，好似我哋唔知中日會唔會開戰、財政懸崖係咪可以完全解決，所以會叫人對來年股市要有戒心，唔好只係睇好。」
今年僅23%散戶贏錢
港股今年雖錄得逾兩成升幅，但上半年的波動走勢，震走不少散戶，由於被市況嚇怕，他們更眼白白錯過下半年的升浪。本報透過電話成功抽樣訪問187名股民，發現今年有錢贏的比例只有23%（43人），有37%（70人）埋單要輸錢，其餘40%（74人）則和局收場。對於明年股市展望，他們普遍感到樂觀，有39%（72人）認為明年股市繼續升，只有22%（42人）看跌，認為無大變化的則佔39%（73人）。