近日有指林峯因失落視帝而萌生退出娛圈念頭，幫手打理家族生意。昨日林峯到銅鑼灣出席活動時否認退出，近百粉絲嗌到聲嘶力竭來支持偶像。但林峯重申當家人一開聲，就會馬上引退。
早前林峯敗於黎耀祥失去無綫視帝寶座，之後傳出他有意退出娛樂圈，專心替父親打理家族生意。林峯昨日到銅鑼灣出席除夕活動揭幕禮，女子組合Girls Kingdom、Super Girls、HotCha等在寒冬下穿着性感裝束勁歌熱舞娛賓，林峯壓軸出場獻唱，近百粉絲嗌到聲嘶力竭來支持偶像。
「對獎項唔渴求」
林峯澄清退出傳聞，並說：「無啦啦畀個封面我呀，係咪呢排太靜，同我做過專訪嘅記者會知道，我講過終有一日會返屋企幫手，呢個係家庭責任。」林峯又坦言：「咁爹哋嘅年紀都大，我身為長子，喺屋企有需要時候，都要負呢個責任。」但林峯堅稱仍未有確實時間，因目前仍有演唱會及電影宣傳等工作。
有報道指林峯失落視帝，故扭計想奪無綫《勁歌》最受歡迎男歌星獎，他說：「識我嘅朋友知我對獎項唔渴求，有當然好。」林峯日前被本報拍得偕金髮女飲悶酒，但他否認借酒澆愁，更不認識金髮女。
避談舊愛霜霜
此外，林峯對不想剃頭而推劇一事解釋：「我都未同公司傾，未收到order拍乜嘢。」其經理人在旁說：「可能到時傾會唔使剃呢，同埋仲有約喺身。」最後講到舊愛潘霜霜昨日於微博發功，林峯即說：「呢啲唔好講。」提到樂易玲改捧馬國明，林峯說：「公司個個都捧，幾十套劇唔係幾個人拍晒。」
採訪：李珮洳
攝影：陳順禎
