聖誕餘溫未散，2013年股市如何？下個交易日再算，今天打算整理一下再上路。2012年對Samantha絕對是不平凡的一年，多謝投資版主理人股榮闢出位置，讓我和菲菲兩個女子講東講西。
早幾個星期前蔡東豪提到，「平庸即是揀表面上穩陣的選擇，而不去考慮創新。」Samantha向來痛恨平庸，為發掘新題材，無形壓力成為舉「筆」維艱的大石，眼高手低經常出現，但壓力驅使下，2012年成為我知識增長最快的一年。
今年有幾多次落入師奶炒股陷阱，做功課後買股還是聽信「冧把」入市，有冇計過邊個贏面大？輸幾格就走，贏幾格沽唔切，你試過幾多次參與助養經紀行動？個個話「今年股市好難炒」，你又會否為跑贏銀行定存而自我感覺良好？
無論炒股定寫欄，正如黃偉文歌詞「區區幾場成敗裡，應該不致麻木了吧」，明年一定會更好！
Samantha
本欄逢周一、三、五刊出