講開婚宴，好多新人鍾意趕喺年尾結婚，無綫電視新聞主播吳璟儁噚日亦小登科，喺中環美心大酒樓筵開近50席，迎娶女友鄭悅朗。吳璟儁現年28歲，喺家世代都算早婚，佢同鄭悅朗係喺無綫訂情，因為鄭悅朗以前都係無綫新聞部編輯，兩人日久生情，最終撻着，拉埋天窗，恭喜恭喜。
查實近呢兩個星期嘅《講清講楚》已經唔見吳璟儁蹤影，相信都係為咗專心籌備婚宴啦。唔講唔知，原來前立法會議員民主黨張文光同吳璟儁一家人好熟㗎，兩家上一代由大陸走難嚟香港時已經認識，張文光可謂睇住吳璟儁大，噚日都有去飲，賀世姪成家立室。