球證都係人，偶爾犯錯好難避免，但好似上周六哈特斯菲爾德打和錫周三嘅英冠聯嘅執法球證米克羅素咁「蝦碌」，就認真少見；因為佢竟然畀咗錫周三中場希蘭兩面黃牌，但就冇罰佢出場！米克羅素雖然喺賽後認咗錯，但英足總球證執法小組表示會調查事件，睇吓原因係乜，同埋點樣懲處相關人士喎。