曼聯呢排都算順風順水，不過攻擊線好似少咗個人，就係葡萄牙翼鋒拿尼，拿尼11月踢過對布拉加嘅歐聯比賽就缺陣至今；有傳因為佢扭計唔續約，所以俾費Sir雪藏，不過費Sir接受《每日郵報》訪問時就回應，拿尼（圖）只係因為大腿傷缺陣，而且佢同曼聯仲有年半約，紅魔冇意將佢放畀阿仙奴，仲大讚拿尼係天才，係球隊重要成員㖭。