今年表現超強嘅美國女網球手莎蓮娜，上周六出戰布里斯班網賽首圈，為2013年球季首度亮相。對住同胞莉婕蘭高嘅佢，只係用咗59分鐘就以盤數2:0贏咗對手，輕鬆晉級。6月後連贏溫網、倫奧女單、美網同年終賽嘅細威，已經將戰績改為32勝1負，「女網后」真係當之無愧。至於6號種籽捷克嘅姬維杜娃，就同樣以2:0擊敗西班牙球手娜華露。