誠信破產嘅CY，仍然有die-hard fans，其中一位係身懷福字金牌嘅福建幫藝人八両金，佢噚日拖住囝囝去遊行撐CY。八両金話自己政治中立兼冷感，不過佢話喺大陸經常留意香港新聞，認為要喺適當嘅時候為香港良心講啲嘢，佢話：「呢一屆政府確實見到佢上嚟係好『柄柄駁駁』（廣東話：頻頻撲撲）」，感動咗佢。
咁冧CY，全因八両金當咗佢係老竇，佢話一個領導就係屋企嘅爸爸，佢話CY向長者派特惠生果金，又照顧窮人，好似關心自己仔女咁。「八両仔」葉柏星認同老竇意見，大讚CY「撐啲人民、大眾」，幫佢上位又上樓喎。