「直擊」唔單止係記者嘅工作，分析員都要直擊埋一份，唔係點寫報告呢？里昂證券專睇消費股嘅靚女分析員Mariana Kou跟同事Jessica Anwar上星期就去咗個別電訊商買iPhone 5，試電訊商門市提供嘅服務，比較唔同月費計劃，再睇吓蘋果電話好唔好用。
比較電訊商服務
呢份報告名為「Street scenes」，劈頭就講番里昂早排出咗份報告下調Blackberry生產商RIM嘅投資評級，咁啱另一位分析員就叫買和電香港（215），兩位靚女就走去和電兩間3分行買iPhone 5，仲要影埋相，幫3賣晒廣告，報告裏面亦對3嘅服務讚到不得之了。
對於用緊iPhone、三星粉絲或者不停換電話嘅人，呢份報告有冇用真係見仁見智，不過都叫做有啲創意，如果可以去晒咁多間電訊商買電話做比較就更好嘞。