【記者袁樂婷報道】飲食業再被踢爆剝削陰招。有工會指，有酒樓僱主使出假離職新招，在合約期滿後逼員工轉用他人身份簽收薪金，加上以現金出糧不留糧單紀錄，變相中斷員工年資，逃避遣散責任。基層員工大幅加薪更只是表面風光，實質工作量劇增，不少人無奈轉行，工會憂慮無良僱主拖累飲食業步入夕陽。
阿昌於已經結業的北角新都會皇宴酒家任職日薪廚房工五年，每天以現金形式支薪。阿昌指，雖然早期有收到糧單，但是到了第19個月時，薪金簽收表卻換上疑為酒樓前替工的陌生名字，「唔簽冇錢拎，焗住要簽」。他認為僱主刻意令他在公司紀錄中「消失」，變相中斷年資，「過咗合約後（紀錄）一片空白，當你已經冇喺度打工，兩個月後重新入職」。結果，當酒樓結業時，阿昌的「年資」被指只有不足兩年，無法取得遣散費。
廚工為養家無奈接受
30多歲的阿棠亦曾經於同一酒家做廚房工兩年，見識過假離職陰招，直言為了家人，迫不得已向不合理待遇低頭，並坦言「個心好灰」。現時他已經轉工到沙田一間酒樓，依舊是日薪員工，「隨時聽日就冇工開，整親手腳都冇得放工傷假」。
阿棠更指，自從最低工資立法後，飲食業薪金調高只是表面風光。僱主為了不想增加成本，裁減人手後將兩份薪金「合體」，留下的員工恍如「打幾份工」。工作量過大逼走老員工，又沒有新人入行，人手越見短缺，造成惡性循環。他慨嘆10多年前業界風氣「冇咁壞」，如果情況再沒有改善，他只好考慮轉行。
飲食業職工總會秘書長黃必文指出，飲食業界剝削員工情況普遍，近年越來越多酒樓以「假離職」、斷供強積金、現金出糧等招數中斷員工年資，逃避遣散責任。僱主又傾向聘請散工，因毋須提供員工福利。「（員工）仆心仆命，你（僱主）就算到盡喺佢哋身上圖利」，逼員工用他人身份簽收薪金，更涉及偽造文件，可能連累員工負上刑事責任。
黃必文指現職員工大多有家庭負擔，即使被剝削亦惟有吞聲忍氣，「但後生仔明知俾人呃，點會陪你癲」。飲食業缺乏新血難有長遠發展，「班老鼠（無良僱主）遲早自己玩死自己」。他促請勞工處盡快檢討《僱傭條例》堵塞漏洞。