載有124名乘客的港燈船隻「南丫四號」，10月1日晚上8時許出發觀賞國慶煙花，卻與海泰號雙體船相撞，結果奪去39條人命。其中葬身大海的24歲港燈見習工程師古文昌（Thomas），遺體按照天主教儀式與一同喪生的女友陳敏盈，合葬在柴灣歌連臣角天主教聖十字架墳場再續前緣。
家人靠祈禱擺脫悲傷
日前天陰寒涼的早上，一對已故情侶雙方逾10名親人齊集墳場，將兩人的骨灰龕上位。曾為Thomas受洗及出席其葬禮的林仲偉神父，帶領禱告及灑聖水。兩家人在碑前燃點燭光、鞠躬及獻花，眾人收起淚水，為兩人在天國共聚而安慰。Thomas母親說：「做阿媽最擔心個仔唔知去咗邊，家知道佢喺天上，就會放心俾佢走」。
林神父勸勉死難者家屬正面面對至親離世的打擊，亦欣慰古氏父母能夠放開對亡兒牽掛的枷鎖。與兒子同信奉天主教的古母，回憶海難後全家人忙於辦理後事，根本沒有時間悲傷。「一日內收到數十個電話慰問，在電話簿增加嘅聯繫人比幾年識落嘅還要多，仲要忙Thomas後事，頭4日完全唔識痛，但成件事沉澱落嚟，夜闌人靜時最難面對，我會靠祈禱同讀經幫助自己」。
白頭人送黑頭人，那種椎心之痛難以排解，但她信冥冥中自有安排。事發四五日後，與弟弟感情深厚的長子說，夢中見到Thomas穿着白袍對佢微笑不語。古母說：長年關窗開空調的客廳，4星期後突然出現一尾金色紫邊的飛蛾，「喺Thomas最愛嘅兩隻貓前飛過，更停喺我手背上數分鐘唔走，當我想畀丈夫睇時，佢就飛走消失咗。我曾經睇過一本書《Testimony of Light》，講述修女死後彌留天堂與人間，由友人代筆書寫寄意一年後化作蝴蝶升天的故事，我相信Thomas同樣去咗一個更光明嘅永生世界生活」說時淚水在眼眶中打轉。
另一死者父鬱結離世
古母透過祈禱與信仰，從愛兒的死亡中解脫出來，「我刻意冇睇好多報章，間接幫咗自己，因為無聽到令人悲傷嘅消息，咁人嘅精神咪好囉……件事已經發生咗，應睇聽日嘅事，過去嘅事就算知幾多都係於事無補。」
有人嘗試放開，亦有死難者親屬難以釋懷。走過家暴陰霾撫養三名子女成人的52歲單親媽媽李瑞蘭，與金蘭姊妹娥姐及鄭氏夫婦不幸罹難。年邁的李母坦言兩老希望找出真相，於是「一路喊住一路睇晒所有相關新聞」，結果患有長期高血壓及心臟病的李父心中鬱結難抒，近月黯然離世，3個月內痛失兩位至親，李母終選擇「家睇電視劇，唔想再知咁多嘢」。
南丫島海難調查委員會聆訊已展開，連日傳召多名專家、倖存者等證人作供，有望重組事件經過。涉嫌海上危害他人安全被捕的兩名船長及5名船員，現續獲准保釋，律政司最快會在明年1月決定是否檢控疑犯涉嫌誤殺，一旦決定起訴，案件將交由高等法院審理。
