【未來大計】
黃栢鳴於2008年逐步出售東方娛樂（009，現稱長和國際）股權後，便「拉埋」女兒黃漪鈞及兒子黃子桓共同創立天馬娛樂（8039），一家人拍住上，齊齊大發「電影夢」。
天馬今年10月成功以每股作價0.9元配售1億股，集資9000萬元於創業板上市。作為公司主席的黃栢鳴表示，公司今明兩年將分別製作五套及放映六套電影，並會從喜劇之外殺出更多不同戲路，務求令公司劇種多元化。
捧林峯做古天樂接班人
除了拍戲的本業外，他透露，公司下一步計劃將發展其他與電影相關的業務，「同電影有關嘅嘢都會諗，拍攝基地、攝影廠、戲院，同埋電影周邊嘅產品」。他堅持發展主軸不可與電影脫鈎，一方面是因為看好電影行業的發展，另一方面是他總結過往失敗經驗所得出的結論，「嗰陣時（經營東方娛樂時）電影業唔掂、唔穩定，希望尋求電影以外嘅嘢，咁其實係錯誤，因為不熟不做。」
天馬兩年前以4800萬元與古天樂簽訂九部片約，黃栢鳴透露，希望「重施故技」，將TVB當紅小生林峯收歸旗下，「家同佢傾緊……我覺得林峯會係一個繼古天樂之後，喺香港小生當中走出嚟嘅一個！」