【開心假期】
人間有愛，溫馨滿載！在普天同慶的聖誕節，家境清貧的小朋友會如何度過？蘋果日報慈善基金與善長於聖誕節合辦「聖誕大餐」活動，並從「開心假期專戶」撥款3,600元，邀請45名小朋友及家長相聚，齊齊玩遊戲、吃聖誕大餐、抽禮物，場面熱鬧歡欣，有出席的小朋友高呼：「今個聖誕節好開心！」
記者：李錦欣
活動搞手為愛心爆棚的Vivian（29歲），她一直對慈善不遺餘力：「之前見到屋企比較窮困嘅小朋友好慘，希望可以畀佢哋感受節日氣氛。」Vivian的善心獲家人大力支持，當日其母親Susan、父親Sunny及外婆Lana更全家總動員出席，與小朋友一同玩樂。其中Susan特意親自為小朋友挑選聖誕禮物，出心又出力。
義工獻唱 小孩起舞
「聖誕大餐」活動更得香港兒科護士學會四名義工到場協助，會長Susanna笑言：「我哋幾個都係兒科護士，好鍾意小朋友，所以好想同佢哋一齊慶祝。」Susanna帶來聖誕帽及哨子等小禮物，又帶領一眾義工與小朋友又唱又跳，他們異口同聲地說：「見到佢哋開心，自己都覺得好開心。」
正當各參加者享用美食之際，抽獎環節為今次活動掀起高潮！每位小朋友可獲贈一份禮物外，更可依抽籤順序「任揀」一份心愛禮物，有小朋友面對近30份禮物，一時間猶如患上「選擇困難症」，不知所措，令在場賓客都忍俊不禁，場面惹笑。
參加者胡女士，與兒子嘉傑（7歲）及嘉諾（5歲）一家三口靠綜援維生，平日也經常帶同兒子做義工，她笑呵呵地說：「今日好熱鬧、好開心，又可以識到其他朋友。」她續說：「義工係細路仔嘅好榜樣，我哋一陣活動完咗都會去探訪孤兒。」
同為綜援戶的周女士，帶同四名女兒一同參加活動，她坦言十分感激《蘋果》、善長及義工：「我哋冇錢，過時過節只可以喺屋企過，今日有大餐食，又有玩具拎，真係好開心！」其女兒娉婷（7歲）和美婷（5歲）在旁亦搶着說：「好鍾意份玩具！」
儘管寒風撲面，善長、義工及《蘋果》為這群活在貧窮線下的小朋友帶來溫暖，共同度過不一樣的聖誕節！
受惠家庭道謝
努力發奮
去年，居於石硤尾劏房的婷婷（右）曾獲讀者捐款購買課外讀物，讓熱愛閱讀的她一圓心願。其母曹女士笑說：「佢自製聖誕卡送畀《蘋果》同善長，多謝佢哋。」一向品學兼優的婷婷矢言會繼續努力讀書，報答大家。
喜出望外
一家五口的黃女士靠綜援維生，又要照顧三名分別只得7歲、5歲及3歲的子女，經濟拮据。她坦言：「聖誕節都冇錢帶佢哋出去玩，本身都諗住留喺屋企，最多可能去下公園咁。估唔到今個聖誕可以參加呢個派對，多謝善長！」
走出陰霾
去年家軒（左）家中遭逢巨變，幸得讀者施予援手，一家逐漸走出陰霾，齊來感受聖誕歡欣的氣氛。吳女士高興地說：「家軒抽到份自己鍾意嘅禮物，開心到不得了，多謝咁有心幫我哋呢班貧苦大眾嘅善長。」
「開心假期專戶」捐款編號：S0012
網上捐款： http://charity.appledaily.com.hk/donate
蘋果日報慈善基金
電話：29908688
傳真：37112468
電郵：mailto:[email protected]
網址： http://charity.appledaily.com.hk
蘋果基金收捐款戶口
恒生銀行：368-006565-001
滙豐銀行：580-198836-001
中國銀行：012-898-00067655
渣打銀行：447-0-667059-3
蘋果日報慈善基金乃根據《稅務條例》第88條獲豁免繳稅的慈善機構
