安倍晉三翻兜日本首相，今日先撇開領土糾紛唔講政治，齋從投資機會出發，睇下日股投資前景。
日本經濟自上世紀90年代地產泡沫爆破一沉不起，衰足廿幾年，強日圓是致命傷之一。今次安倍晉三講明以弱日圓刺激出口，振興經濟。講真，如果無美國首肯，要日圓跌都係得個講字，圓滙已升破85水平，出現轉勢迹象，中長線隨時上番120。日股以豐田、新力等出口股為主，圓滙轉弱必有利日股，強積金組合中不妨將部份落注日本股票基金，2013年隨時有驚喜表現。
不過並非所有受託人都有日本股票基金可選，目前只有中銀保誠、東亞、萬全、友邦、安盛及宏利有提供，所以基金選擇性係選擇受託人時一個重要因素。
魯毛丘