【緊守崗位】
從前黃子桓的身份在其他人眼中，只是黃栢鳴的兒子，現在他多了另一身份，就是《葉問》編劇。他從小就決心要走父親黃栢鳴的舊路，如今亦已踏入水銀燈下的花花世界逾10年。晃眼間父親老了，他亦成熟了，但談到接班問題，他卻仍然認為自己「未ready」。
專注編劇 拒傾生意
已過「耳順之年」的黃栢鳴，縱使口裏說「辛苦嘛！唔想佢入呢行」，但卻仍默默為黃子桓的前路籌謀，他說：「個仔屬馬，佢做編劇又要天馬行空，所以公司改名做天馬！」似乎一切都是為交棒予兒子做好安排。
但黃子桓對於接班一事卻似乎不大熱衷，他語帶抗拒地表示，「遲啲先啦，咁焗住嚟都要嘅，咪一步一步嚟先囉！」同時，他亦深知自己在做生意上根本「未夠班」，「我自己好清楚，就算返到大陸傾乜投資，傾乜生意都好，唔會認我，唔會認天馬，都係認黃栢鳴㗎啦……你同我講部戲拍幾多錢，投資幾多我就同你傾。但係你同我講傾乜股票，傾乜嘢地，傾乜嘢價關我乜事？呢啲由佢哋去負責啦！」
相比起外出傾生意的「前鋒」位置，黃子桓更享受緊守在公司製作部的「尾門」，尤其是繼續在編劇工作方面發展，「現階段想幫公司做多啲projects，試吓開發多啲唔同嘅類型，你知我daddy係得喜劇之嘛！」
作為天馬一分子，他非常着緊公司未來發展。對於工作願景，他說，「希望每年拍到四至五部電影，家每年都係大約兩至三部……可以搵多啲製作團隊，build-up多啲嘢！畀多啲機會新導演、新編劇……公司要有大、中、小電影先健康。」