【元旦我上街】
【記者陳雪玲報道】「多謝梁振英委任劉江華，直頭係曲線谷市民元旦上街！」立法會選舉落敗的劉江華，卻獲委任為政制及內地事務局副局長；由最初「當佢細佬咁錫」、至現時斥劉比小人還不如，與劉相識30多年的乙明邨街坊黎麗霞認為，劉江華的人生分水嶺是六四事件：「佢當時已經俾人（收）買咗」。
劉江華出身乙明邨，80年代該邨成立互委會，劉出任文書，當年的互委會主席繆錦濤一手提攜他夥拍區內青年中心幹事黃匡忠參選區議會，引領劉踏上政治舞台。黎麗霞是乙明邨街坊，曾是劉江華的義工，她憶述：「我好似家姐嘅角色，一直好錫佢。」回望當時，「真係蠢得交關」。
六四被收買 人身攻擊師傅
外界一向認定劉江華91年立法會敗選退出港同盟後開始「左傾」，黎卻斷言：「好清楚，分水嶺係八九民運！」她說當年沙田區是聲援內地民運的一大重鎮，黃匡忠、劉江華議員辦事處更是主力團體；及至89年9月，劉江華忽然以個人名義向報紙投稿，稱六四對錯非今天定斷，「我當時心都實埋，殺人又點會係啱﹖」
黎麗霞續指：「89年迎接民主女神像入沙田大會堂，我記得佢（劉）當時冇埋到台上，坐喺出面，我當時冷眼旁觀，覺得佢好有問題。」現在回想，「相信佢當時已經俾人（收）買咗」。23年過去，劉江華每被問及六四事件都左閃右避，黎麗霞就出任支聯會常委多年，堅持為血案平反。
她稱有兩件事可反映劉江華為人自私自利。91年劉江華與黃匡忠聯選立法會，劉在選舉後期為求自保，私下與建制中人如簡松年等合作，最後甚至自組助選團為自己拉票；94年區議會選舉，劉的師傅繆綿濤參選，劉卻力捧公民力量林康華對撼，為了鞏固地區實力，竟攻擊繆有小兒麻痹症，叫街坊「選個行得走得嘅」，有街坊聽罷直斥劉沒良心。
真正令黎認清劉的真面目，要多得民建聯。她說劉決定退出港同盟後曾約她飯敍，「我問佢『你會唔會入民建聯﹖』佢話唔會，點會呀」；兩星期後，劉卻宣佈加入民建聯，黎此後再沒理睬劉江華。