【本報訊】元朗八鄉黃竹園上村唐狗Benz與「阿大」兄弟失蹤記續集！原來胞兄阿大和Benz同告墮入捕獸器陷阱，阿大被夾着已3日3夜，至昨晨才獲救，牠身體極度虛弱，而遭夾傷前肢僅皮肉相連，傷口有蛆蟲，肌肉壞死情況嚴重，女狗主忍痛作出截肢保命決定。
記者︰譚健文
女狗主張女士（67歲）直斥︰「好冤枉呀！嗰啲放捕獸器嘅正衰人嚟㗎！阿大無端端咁就冇咗隻手！」她事後帶阿大往旺角看獸醫，並獲告知阿大左前腿腕骨接近完全折斷，肌肉及血管均已嚴重壞死，驗血報告更顯示有細菌感染，為免情況惡化危及生命，有必要截肢。張女士雖然傷心難過，但仍忍痛接受建議。
「手掌凍晒冇血到」
張女士稱，Benz與阿大為同胞兄弟，她兩年多前撿回家飼養。唐狗兄弟與張女士居於八鄉黃竹園上村，兄弟於聖誕節當晚走上山後失蹤，翌日Benz獲救，阿大生死未卜，張女士連日四處搜尋。
昨晨9時許，張女士與漁護署職員返回現場搜索，突然再聽到狗吠聲，於是依聲找尋，卒在距離馬路50米處的叢林內，發現阿大被困，遭一個帶有鋸齒的捕獸器夾着左前腿。「佢以前肥仔嚟，家陣瘦咗成個碼，屁股都凹晒，手掌凍晒冇血到，漁護署職員仲話傷口有蛆蟲！」張女士立即報警，消防員到場拆開捕獸器，將阿大救出，但阿大已無力亦無法走動，張女士心焦抱走阿大看獸醫。警員搜索現場一帶，未再發現其他捕獸器。
根據《野生動物保護條例》，非法使用捕獸器，一經定罪最高可被罰款5萬元；若證實捕獸器是用於捕獵受保護動物，放置者更可被罰款10萬元及入獄一年。