廖碧兒前男友、李澤楷表弟林忠豪，經常被指狂女。昨日又有讀者報料指他近期狂追有錢女Carol，更出動3卡鑽戒冧女。林忠豪昨日承認兩人拍拖多時，但未有結婚打算，據了解，Carol原來是著名建築商麥志麟之女，碩士索女，更和唐貝詩、王愛倫兒子林建億等名人二代相熟。
林忠豪早前自爆曾和廖碧兒拍拖，更去到談婚論嫁的階段，但最後因壓力太大分手，更自爆連累媽咪被追訪，十分內疚。
近日有讀者報料，指林忠豪近期力追一個名叫Carol的女仔，更指他追了半年，但Carol無動於衷，他更出動送3卡鑽戒跪地冧女，但依然被拒。林忠豪昨日接受電話訪問時，承認與Carol拍拖，他表示：「邊個咁滑稽呀，咁兩個人嘈交梗會有㗎啦，我哋係上年1月由朋友介紹認識，成日見面，不過今年比較忙，冇乜時間陪佢，咁少少拗撬梗有㗎啦。」
與圈中二代熟絡
據報料指，Carol是著名建築商麥志麟女兒，家住東半山，擁過億身家，Carol在美國碩士畢業，出入都揸百萬名車，Carol樣靚身材好自然多人追，她更與寇鴻萍女兒唐貝詩、王愛倫兒子林建億、鄧永鏘胞妹鄧霓儀等份屬好友。
林忠豪對有指他用3卡鑽戒冧女，他說：「唔關事，呢啲私人問題，唔好講咁多。」問他何時結婚？林忠豪說：「最近好忙，做生意好唔得閒，咁我都想快啲成家立室。」至於有沒有求婚及女友意願？他只說：「唔知，大家相處吓先啦。」
採訪：林妙萍