曾經話過呢世都唔會教車路士嘅賓尼迪斯，家就做緊臨時「車」長；雖然車路士失落咗世冠盃，不過查實喺賓帥領軍下，車仔近7場比賽贏咗6場，英超更加3連勝，有指呢個省鏡戰績經已打動咗班主阿巴莫域治，嚟緊賓帥將會有得坐正㖭！今輪車仔就會作客硬撼愛華頓，而拖肥中場吉遜就打甩咗之前張紅牌，今場有得上陣，就睇吓佢有冇計令到車路士失分。