【本報訊】聖誕過後,緊接又到除夕新年,不少年輕人趁一連串假期夜蒲狂歡。有騙徒趁機在酒吧搵食,跟蒲友返家過夜,事後登堂入室偷竊財物。近日一名大學男生在酒吧結識一名男子,兩人共宿言歡,結果大學生發現被人偷去近6萬元財物,事後報警求助,警方對事件已展開調查。
記者:馮詩媚 司徒韋桐 陳兆剛
案中男受害者姓陸,叫Milo,24歲,在公開大學修讀工商管理學系,另兼職補習和做會計文員,收入不俗,可獨力租住大埔村屋。外貌俊朗的他,早前在酒吧夜蒲時認識18歲的阿然。初相識時,阿然表現闊綽,經常請他飲酒又請吃消夜,「我以為佢係有錢仔,真係估唔到佢會偷嘢」。
二人結識個多月後,即上月底再次相約到尖沙嘴蒲吧。當晚,Milo跟阿然飲酒後,對方表示自己醉得無法返回粉嶺住所,想到他大埔家中借宿,結果二人共度一宵。翌日,Milo因要趕回大學上課,僅叫對方離開時代為關門,便匆匆離去。
為討財物訪疑犯家
豈料當晚,Milo發現家中失去名牌手袋、銀包、鑽飾、相機及3,000多元現金,總值4萬多元。「門鎖冇被爆竊痕迹,嗰幾日係得阿然上過嚟,但係冇證冇據唔敢報警」。他說當時仍未發現兩張信用卡亦被人偷去。
事隔數天,阿然再致電Milo,聲稱「好悶!不如你上我屋企?」Milo為討回財物赴約,果然發現自己一些失物竟在其家中,追問下對方堅稱只是同款,Milo半信半疑下又在對方家中過了一夜。
疑人偷卡購物消費
兩日後,Milo查看網上銀行戶口,發現兩張信用卡竟遭人盜用,購物及到酒吧消費,損失合共1萬8千多元,此時他才發現自己兩張信用卡失去。「我估佢平時都係咁偷人啲卡嚟碌,唔怪得佢咁闊綽」。
Milo即時致電信用卡中心查詢,中心職員勸他報案,並表示警方可追查有關閉路電視資料,有助盡快追查盜用者。他遂即時到警署備案,由於紀錄顯示對方在旺角「碌卡」消費,他便前往該區警署報案。
當區警員當時要求他先索取銀行消費紀錄,再往警署報案,Milo依言照做,並於本月18日再訪旺角警署。當日他在警署錄取口供,但探員指案件發生在大埔區,或會交由該區警署接手。
警方指經調查後,確定被盜信用卡在旺角區使用過,因此案件終由旺角警方跟進。