布力般流浪周四炒咗領隊貝治，正當大家估緊會由邊個接手，就突然傳出咗個無名小卒。呢位仁兄係一位叫祖丹阿里嘅印度裔人士，曾經喺阿仙奴青年軍踢過，之後轉行做過演員，早排就幫英乙嘅達根咸搞過青少年足球訓練計劃之類，但竟然俾布力般嘅印度班主睇中。其實呢位班主之前用堅恩已惹民憤，今次如果真係用人唯親，驚佢隨時入唔到伊活公園睇波。