朗拿度嘅婚姻生活，可以用兩個字形容得晒：失敗！呢位前巴西球星最近宣佈人生第3次離婚，同拉埋天窗4年嘅老婆安東妮正式玩完。大哨話今次係和平分手，仲話希望傳媒同公眾都尊重佢哋嘅決定；點都好，淨係知道佢又要畀一大筆贍養費，離婚一次就破一次財，睇嚟大哨隨時要出山賺外快幫補吓自己嘅荷包。