（樂）大阪飛腳今季喺日聯最終降班收場，家球隊唯一寄望，當然係喺日皇盃搶個冠軍番嚟，報答球迷，兼奪得來屆亞冠盃入場券；不過喺明日4強就先要喺中立場靜岡過到鹿角一關。
飛腳近4年3度打入日皇盃4強；由於今場有前鋒李安度蒙迪拉停賽，所以惟有靠「日皇盃之男」遠藤保仁，希望佢可以重演2010年決賽贏鯨魚一役咁梅開二度，幫球隊捧盃。另一條戰線，橫濱水手將會喺東京國立競技場硬撼柏雷素爾，呢兩場日皇盃激戰都有得直播兼提供即場投注㗎。
另外，一眾日本球星喺周四，再為上年311東北地震進行慈善賽，多名外流球員包括長友佑都及宇佐美貴史等都有出席。