【後悔不已】
北京酒樓即將結業，一眾老夥計卻不改「寸寸貢」本色：「唔想再講啦，已經忙到踢晒腳！」不過，說到將來去向，他們無不欷歔︰「再搵工囉，冇辦法㗎。」
曾在酒樓當了20年經理的老李，專程回來吃最後晚餐，他感慨說︰「老細對我好到不得了，以前我飲到醉醺醺返工，佢勸極我都唔聽，家後悔都冇得再後悔！」原來他當年嗜酒而丟了工作，八年來靠綜援維生，說起往事，又一臉得意︰「我負責帶位，啲客等咗好耐我都唔理，仲好寸㖭，搞到佢哋發晒火。」
臨走前，老李跟熟客握手：「以後想撞都撞唔番㗎啦……」走出門口，還要拍張照留念，才捨得轉身離去。
《蘋果》記者