【本報訊】民主黨早前改選領導層，產生創黨以來首位女主席。曾揚言「裸退」的劉慧卿，趕在最後一分鐘報名參選，擊敗部署多時的單仲偕。劉慧卿受訪時引述指，北京對她當選感震驚，「梗係唔鍾意有個人咁強硬鬧鬼佢」；曾經與中聯辦談政改的她重申與中央暫無談判的互信基礎，「因為你攞（政改讓步）幾多、佢（中共）就咬你幾多」。
記者：陳雪玲 許偉賢
民主黨本月16日改選領導層，劉慧卿自11日報名至選舉僅用4天拉票，卻以16票之差力壓單仲偕當選主席。
劉接受訪問時承認9月立法會選舉受挫後，時任黨主席的何俊仁稱舊人應退下火線、由新人出掌民主黨，她因而表示「裸退」；最終「事與願違」，無非因為截至報名最後一天早上，只有單仲偕一人表態選主席，沒有新面孔進場。
她否認獲「張李楊集團」推舉出選，重申黨內不少聲音認為主席選舉要有競爭；該黨稍後會傾改革方向，劉慧卿強調：「搞改革都唔係代表以前啲嘢錯晒」。
你要釋出善意，（回鄉證）就畀番晒我哋所有人。
一場政改方案，不少市民認為她強硬不再，中央似乎依舊對她怕怕。劉慧卿引述有中間人稱，北京對她當選感震驚，「你係佢，梗係唔鍾意有個人咁強硬鬧鬼佢啦」。她對此不感意外，直指：「你要釋出善意，（回鄉證）就畀番晒我哋所有人……你唔鍾意我？哈、哈、哈！」
原來你攞幾多、佢（中共）就咬你幾多、甚至更多。
當選後，劉慧卿隨即斥中央過去兩年「落閘放狗」，泛民與中央失去互信，沒有再談判基礎，民主黨2010年入中聯辦談政改幾成絕響。
劉慧卿受訪時對中央「惡行」仍然忿忿不平，斥責：「曾鈺成都話有（政改方案）幾多攞幾多，呢個都係我哋2010年嘅諗法，但家已經唔存在。原來你攞幾多、佢（中共）就咬你幾多、甚至更多。所以我話中共落閘放狗，呢兩年好多市民都覺得好恐怖……你咁狠毒，邊有人仲敢同你搞，你仲要攞番呢個（政改）議題去攻擊，你話毒得幾緊要！」
中央講咗有，梁振英有責任講畀中央聽，好多香港人要普選。
她質疑中共出「毒招」對付民主黨，目的就是想政改無得傾，「中央噏咗2017有（普選），就千方百計搞到冇，冇又話係你哋唔要，整個劉江華出嚟整色整水，實死啦，你話幾毒！」她認為落實雙普選本身是特首梁振英的責任，「中央講咗有，梁振英有責任講畀中央聽，好多香港人要普選」，「提醒」對方若有人阻礙普選之路，應該「shout at them」。政改方案若重來，民主黨或會舉行全民投票，了解市民意願。