地產商恒基兆業最近隆重呈獻精品式住宅物業「曉薈」，招來網民批評為「高級劏房」。人氣Blogger「地產小子」撰文指出：「這類單位普遍的實用面積都不超過300平方呎，由於面積太細，通常這類單位只能間出洗手間，而開放式廚房、客飯廳和睡眠區就只能共冶一爐，基本上跟長期居住酒店房間沒有分別。」
重建變空間壓縮
文章繼續講落去：「這些單位扣除牆身、窗台、露台與工作平台後，內櫳空間相當有限，即使只放置一床一櫃，剩餘的空間大概只夠兩個人同時走動。市區重建的精神，應該是改善舊區居民的生活質素，如今地產商為了遷就樓價，興建的新樓單位越來越細，住客的生活空間則越見壓縮。那麼，市區重建是造福人群？還是遺禍人間？」
「曉薈」位於九龍城賈炳達道，係收購舊樓重建而成嘅樓盤。根據售樓書，「曉薈」嘅單位，實用面積最細只有166呎，建築面積亦只得270呎，以意向呎價一萬蚊計，入場費係270萬。
面積最細僅166呎
270萬對唔少人嚟講係半生積蓄，用半生積蓄來買間劏房，網民當然毫無保留「Hi Auntie」，有網民留言話：「地產商賣細單位，點會係為咗遷就樓價？其實越細嘅單位，呎價越高，利潤亦越大。」
吳爽覺得大家誤會咗地產商了，大家唔記得咗四叔今年6月講過，「買股好過買樓」？所以四叔其實都唔鼓勵大家幫襯呢啲高級劏房，只係見「置安心」嘅「綠悠雅苑」入場費都要246萬，仲要唔知抽唔抽到，所以先勉為其難起啲劏房出來益吓大家啫。
吳爽