【齟齬日深】
走入中聯辦、支持政改方案，人民力量以此為「彈藥」，過去兩年在多個選舉中以「票價票償」狙擊民主黨，雙方齟齬日深；面對下一次政改，劉慧卿直言要與泛民好好合作，但人民力量不在合作之列，憤言：「點可以仲同佢一齊？市民以為你黐線㗎！」
劉慧卿解釋，並非抗拒與某些組織合作，只是要與「吐口水、掟嘢、講粗口」等惡意行為割席。「唔好話係咪人民力量，任何人用咁嘅行為對我哋，都唔會理佢、唔會係同路人；鬧到血淋淋，你點可以仲同佢一齊？市民以為你黐線㗎。」她續指，即使今日與對方連成一線，轉眼間又可以開罵，質疑合作形同「鼓勵佢鬧多啲」。
任內會強硬應對狙擊
劉慧卿直言，對近年針對她的網上惡搞、二次創作統統一笑置之，因為「世界唔會百分百嘅人都鍾意你」；但她重申，若對方是毒辣、誹謗式狙擊民主黨，必然還拖，「我哋唔會追住人打交、但亦唔會再罵不還口」。她透露有黨員誤以為民主黨「身有屎」，才在狙擊下不反擊，因此任內會強硬應對。
《蘋果》記者