要肌肉有肌肉，要樣有樣，仲有一個若隱若現嘅殺手鐧，就係胸前一大串紋身，寫住Pain is temporary, pride is forever，佢就係世界體操界公認嘅俊男阮馬素（Marcel Nguyen）；今日下晝兩點半，佢就會同家人殺到香港，一眾香港粉絲，Are you ready?佢噚日喺facebook上載一張喺德國機場影嘅相，留言話好期待到香港，貼文半個鐘就有多過6,000個「like」，真係誇張。
爸爸係越南移民，媽媽係德國人嘅阮馬素，有齊混血兒靚仔元素，今年8月喺倫奧攞完體操個人全能同雙槓兩面銀牌後，人氣急升到頂點。佢未來6日會喺香港同粉絲近距離接觸（見附表），睇嚟阮馬素旋風勢難擋。