商台CEO陳志雲離開無綫後，擺明同舊僱主對着幹，安排同樣敗走無綫嘅王喜做節目數臭舊公司，之後仲搵吳綺莉拍佢愛將梁泰來做節目，但用完即棄炒咗吳綺莉，激到有傳無綫攞森美、小儀祭旗，下令停用。
奪《飲食天王》製作權
馮仁昭收到風喺佢牽頭下，將過往三年由無綫製作嘅《飲食天王頒獎典禮》製作權搶走，拉攏nowTV合作，志雲明搶嘅呢盤生意油水好好，製作費一百萬就可以賺三百萬，不過因為商台冇播映平台，睇準now可以覆蓋到去美加、馬來西亞、泰國等地，所以拍住搵錢。
拍心口承諾搵歌星
志雲咁易搶到嚿肥肉，聽聞因為無綫製作呢個節目嘅卡士一般，好似今年得楊思琦做司儀，蔡楓華、鄧紫棋做表演嘉賓，志雲知道無綫因版權糾紛搵歌星有困難，拍心口承諾商台包辦搵歌星，結果成功將肥肉放入口，明摑無綫一巴，馮仁昭問過nowTV首席副總裁何麗全，佢承認同商台三、四月會做呢個節目。
撰文：馮仁昭