是我小時候：關心妍越大越靚

女大十八變！關心妍（Jade）變得越大越漂亮，性格也變得更獨立堅強，自小已好打不平的她，小時候常為弱勢同學出頭，難怪長大後獲選傑青，絕對是女中豪傑。
撰文：皓騫

小時候的關心妍好饞嘴，至愛就是食肥美雞髀，她自嘲說：「雖然出世時唔係好重，得6磅幾，但大個好鍾意食嘢，10歲已經係肥妹仔一名，人哋攞零用錢買玩具，我就買零食，不過之後去咗加拿大讀書，啲嘢唔啱口味冇啖好食，慢慢就瘦番。」

抱打不平

由於童年時父母離異，Jade跟外祖父母在長洲居住，自小已缺乏家庭溫暖，令她學懂獨立，Jade說：「11歲去加拿大讀書要學識洗衫煮飯，試過俾菜刀切傷幾次手指，嗰時唔識睇醫生冇打消炎針，好感恩冇死！」她不但學懂照顧自己，還如大家姐般照顧人，Jade說：「童年好獨立，成日幫弱勢社群伸張正義，見到男仔蝦女仔，我會幫手出頭，但唔會出手打交，只會講道理。」

小小年紀的關心妍（右一）已懂站後，更愛睇電視聞歌起舞。

關心妍人比花嬌，十分可愛。

關心妍（右）很掛念旁邊的朋友仔，惜長大後失聯絡，她呼籲這位朋友看到報道要聯絡她。

雖然父母離異，但媽咪很疼錫關心妍，常帶她到公園玩。

關心妍小時候最愛食雞髀，小學時將零用錢全用來買零食。

小時候的關心妍（右）一直都是短髮，幸好不似男仔頭。

愛唱歌的Jade，人生第一次上台表演就是在加拿大，她說：「當時俾老師揀中做話劇扮鯊魚，第一次化濃妝，自己英文唔好，但識唱歌，雖然只係一句對白，但都好驚，真係好難忘。」

關心妍（左）在加拿大讀書時參加話劇扮鯊魚，人生第一次踏上舞台唱歌。

在加拿大讀書的關心妍要自己煮飯，試過幾次被菜刀切傷手。

關心妍現已為人妻，還很期待升呢做媽咪。