【電視風雲之飯碗不保】亞視繼上周五冬至不滿旗下藝員戚黛黛等四人缺席上洗腦式的演藝訓練計劃，而將四人即時解僱後，有傳亞視明日將繼續向缺席藝人開刀，包括甄詠珊、林峯師兄蒲進等。拒上洗腦班的蒲進昨對被炒傳聞感到無奈，但他強調：「我有自己選擇、有自己原則同堅持。我覺得唔啱嘅嘢，我唔可以掩住良心去趨炎附勢附和。」
亞視上周一開始要求旗下藝員接受為期最少三個月的洗腦式演藝訓練計劃，戚黛黛、張啟樂、陳綺雯和張紫櫻（車車）拒絕上課，結果上周五冬至齊齊被亞視解僱。據悉仍有亞視藝員「唔聽話」繼續缺課，亞視計劃明日再向缺席藝人開刀，包括甄詠珊及無綫第12期藝員訓練班出身、林峯和楊怡的師兄蒲進等。至於缺課的亞姐王家敏和馮雪冰，前者被傳經常推工作，後者被指工作態度差，亦難倖免被亞視炒魷。另外，亢帥克周一上堂時違規偷拍上堂照片並上載微博，亦有可能遭受亞視處分。
記者昨日致電亞視高層葉家寶，問是否會再解僱缺席藝人包括蒲進和甄詠珊等？葉家寶未有正面回應，只說：「我哋將會處理，但未知點樣處理，要等後日（即明日）開會至知。」有指亞姐王家敏和馮雪冰同樣缺課，葉家寶說：「佢哋兩個都病，有請假紙。」
蒲進拒埋沒良心
08年由無綫過檔亞視的蒲進，昨在電話中聞得是下一批被炒藝員時，大感無奈，他說：「咁都冇辦法㗎，我家都未知，唔能夠畀反應。」是否覺得不合理而拒絕上堂？蒲進說：「有啲堂我有其他工作在身，有啲堂可能同我理念有少少唔同，所以好無奈地miss咗啲堂。如果我想做management工作、營運工作，我唔需要選擇喺亞視做一個幕前人吖。」蒲進表示自上過第一堂後已沒再上堂：「因為第一日唔知乜嘢事，跟住我miss咗幾堂。」
問蒲進可覺缺席被炒不近人情？他說：「好可惜之餘好奇怪囉，佢哋冇返就俾公司炒咗，但有返嗰啲係做緊佢哋應該做嘅工作、合約裏面嘅工作，我唔明點解公司要加佢哋人工，原來你準時返工係要加人工㗎？原來唔係你應份嘅？我覺得做嘢唔係咁囉。」明天會否繼續缺課？蒲進說：「好難答到，呢個係我立場，我有自己選擇、自己原則同堅持，覺得唔啱嘅嘢，唔可以掩住良心去趨炎附勢附和，我唔得，我做唔到。」至於傳聞因缺席而成為另一被炒藝員的甄詠珊，昨日透過短訊表示不作回應。
傳遲到三次即炒
至於準時上亞視課程而獲加人工的亢帥克，前晚與另一亞視藝員古卓文到荃灣出席聖誕活動，亢帥克說：「家好似遲到兩三次就要炒，所以個個都好乖。」古卓文早前向公司請假到外地登台，故後天才正式上堂，對於出席率低會被炒，古卓文無懼被秋後算賬說：「係有少少過份。」此外，記者昨曾致電王征，但他聞得是本報記者來電後即時掛線。
採訪：林妃、楊潔雯