仲有幾日就到2013年，雖然唔係農曆新年，但中國人點都要有啲意頭嘢，特別係啲麻雀友，發個新年財就代表全年行好運！手痕但無腳同你切磋牌技嘅話，唔緊要，不如食自己啦！所謂嘅食自己，就係「美心× G.O.D.之食乜糊：土鳳梨酥麻雀禮盒」，禮盒外形設計是充滿懷舊味嘅麻雀鐵盒，打開入面可能係大四喜、十三么又或大三元，究竟會係食乜糊？到你開蓋嗰一刻先會知道！究竟「麻雀」係乜？原來係美心嘅土鳳梨酥，酥化嘅外皮入面係酸甜適中嘅鳳梨餡，味道絕對唔錯，不過個人都係俾包裝吸引住，搞到真係好想打番幾圈㖭！請問邊位雀友今晚得閒招呼我，同我切磋切磋！
售價：$138（數量有限，售完即止）
電話：2101 1333