啱發表完最終報告，講李克強訪港期間警察有冇濫權嘅監警會，最近搬咗屋！佢哋一直都租用灣仔東亞銀行港灣中心兩層office，由警監會過渡到監警會，都一直落戶於此。但近年炒風四起，到咗今年底，佢哋都不敵地產霸權，其中一層辦公室，畀資深物業投資者黎汝遠睇中咗，扑槌買入，諗住將佢間開多個小型辦公室分租出去錢搵錢。新業主另有打算，監警會惟有讓路，最近搬咗去華潤大廈10樓。
八方聽聞，監警會喺港灣中心仲有一層office租約未滿，未來將會用來做吓公眾教育，例如畀市民去聽吓講座、上工作坊咁。委員開會、市民有乜求助，就要移步去華潤大廈新office嘞。