《喜》西方人好重視聖誕節，會喺佳節做啲嘢嚟表心意，好似近年成績唔錯嘅德甲球隊多蒙特，就名副其實同員工普天同慶；因為多蒙特會喺聖誕向員工大派獎金，500幾名員工，每人會獲得3,000歐元（約30,000港元）獎金。另外，效力西甲巴塞隆拿嘅智利前鋒阿歷斯山齊士，就返咗智利，佢仲用貨車扮成鹿車大派禮物㖭！