中環在線:瓦努阿圖<br>陸叔搵過食嘅地方 - 李華華

中環在線:瓦努阿圖
陸叔搵過食嘅地方 - 李華華

呢兩張發黃相片,主角係財經名嘴陳永陸,陸叔,正確嚟講應該係「陸仔」,佢前面兩位好似非洲土著嘅女士,其實係36年前、廿幾歲嘅陸仔喺瓦努阿圖滙豐分行工作嘅同事。原來瓦努阿圖當時係英法殖民地,亦係稅務天堂,滙豐整間分行喺度幫外國人做嘢,成間分行得七個人,包括陸仔同另一位香港同事,其餘係土著同英國人。
近年一個移民廣告令人認識瓦努阿圖,陸叔就一早去過。陸叔話,1976年去瓦努阿圖時,同家嘅陸嬸已拍拖8年,當時冇電郵,打長途電話超貴,一分鐘要兩蚊澳元,惟有日日寫信傳情。每星期得兩班機從澳洲飛去瓦努阿圖,陸仔就等呢兩日收信,結果儲埋幾箱信,陳太仲有保存,只係搬屋後忘記放喺邊!

陸仔(箭嘴示)同土著同事36年前留影。

1976年的陸仔

2012年的陸叔

回港即買樓結婚

經過半年兩地相思之苦,陸叔77年回港後升職兼買樓,然後就結婚了。佢仲記得當年按揭息要十幾厘,打銀行工,最大好處就係平啲息,買樓易啲。不過家啲息口咁低,都唔使唱呢支歌啦。