【本報訊】《蘋果》報道麥當勞安排15歲少年從事高危煮食工作後，不少現任和前員工昨主動向本報爆料，披露在「麥記」開工受傷的辛酸經歷。15歲的楊同學（化名），覺得炸薯條已非最危險，因為食油毋須日日換；相反負責煎扒或清洗該扒爐的同事，則經常中招。
「我只係學咗一、兩次，已經要埋爐煎扒；個爐非常灼熱，有機會灼傷或俾油彈到，每晚員工要負責收爐清潔。雖然話可以戴防熱手套，但部份清潔工序因為個爐某些位置好窄，戴手套係好難做，但一唔戴手套就會灼傷，我自己同其他年輕員工都試過，疤痕好耐至褪色。」
食材好重未必夠力搬
26歲加入麥當勞的劉小姐（化名），指公司培訓忽略年輕員工體質。「我見同事教人煎扒，一味話『唔好怕熱、將扒推入啲煎多兩塊』，但佢冇諗吓嗰個年輕人又矮又瘦，隻手根本唔夠長，結果真係灼傷。此外每日要搬運嘅食材好重，15歲未必夠力。」
麥當勞回應本報查詢，繼續強調所聘員工均年滿15歲，為法例所容許，並指15至18歲人士，要獲家長同意才可入職工作。