【大話特首】
【本報訊】特首梁振英的「大話精」形象深入民心，新出爐的十大傑青賴恩慈原來曾在頒獎禮當日，向梁送贈《木偶奇遇記》中主角Pinocchio公仔，諷刺梁與Pinocchio一樣常常「講大話」。賴恩慈透露，梁最初想收下公仔，但聽到她提及作為領袖必須有誠信，立即黑面拒收。賴批評梁早已誠信破產，表明元旦將再帶同該木偶公仔上街，希望梁振英聽清民意。
記者：林俊謙
今年9月獲選2012十大傑出青年的賴恩慈，獲獎當日已在台上做出反對洗腦國民教育的交叉手勢，但原來這不過是賴恩慈抗爭的「下半場」！賴前日在facebook上載一張送贈Pinocchio公仔給梁振英的照片，並留言：「送狼一隻Pinocchio提提他做一個傑出的領袖，誠信很重要！否則上台的末日很快便會降臨！」揭出賴未為人知的「上半場」抗爭行動。
賴恩慈昨日接受本報電話訪問時透露，十大傑青頒獎禮前一晚，她得悉梁振英會在頒獎日到場祝獎一眾傑青，「當時我已知一定表達訴求，唔可以只同佢握手，咁樣無意思」，所以她即買了一隻戴上博士帽的《木偶奇遇記》Pinocchio公仔。故事中Pinocchio常常講大話，鼻子也因此不斷伸長，「即係Master of liar（說謊大師）咁解」。
初時感開心猛話「得意」
頒獎禮前大會閉門安排得獎者與梁見面，賴即藉機向梁振英「送禮」：「我開頭交畀佢（梁振英）時，佢好開心，我估佢可能好耐冇收過禮物，猛話個公仔好得意。我就同佢講，其實呢個係Pinocchio，唔知你有無聽過個故仔？跟住講咗我一直好想同佢講的說話，就係一個傑出的領袖，誠信係最重要，希望你呢方面要繼續努力」。梁聞言立即黑面縮手，其身旁職員第一時間「護主」，將木偶公仔拿走，直到梁振英離場後，才將公仔還給賴恩慈。
賴恩慈坦言，當時沒想過「誠信」兩字，會令梁振英即時縮手，「睇嚟佢都對呢兩個字都好敏感」，批評梁由隱瞞僭建開始，「誠信根本已經係零」。她說元旦遊行會再帶同梁拒收公仔上街，「我覺得大家今次真係要企出嚟，我哋想香港變得更好，一定要自己行動，靠呢個政府根本無可能」。