火箭控衞林書豪，一直都話自己可以出人頭地都係多得上帝嘅眷顧同球迷嘅愛戴；所以林瘋就決定喺聖誕呢啲大時大節，做善事回饋球迷。佢日前同屋企人用以自己為名嘅慈善機構舉辦咗個活動，同25個小朋友一齊去咗侯斯頓嘅玩具反斗城，首先大枱人食個早餐，之後再每人有100美元（約780港元）去買玩具，林瘋變聖誕老人，小朋友梗係開心啦。