亞視安排藝員接受洗腦式培訓，不肯就範的即被炒。出身自亞視的歐錦棠、陳煒和翟威廉昨日在將軍澳開工，矛頭直指亞視老闆王征好有問題，歐錦棠更批死亞視「征盡台亡」！
亞視強制藝人參與朝十晚五的培訓課程，老闆王征更落場任教，要求眾人了解公司對發免費電視台牌照的立場，猶如向員工洗腦。其後戚黛黛、張啟樂、張紫櫻（車車）和陳綺雯四人因缺課被炒。
「製造瘋狂歷史」
三位前亞視藝員歐錦棠、陳煒及翟威廉昨在將軍澳電視廣播城錄影《體通體透》，對於亞視炒人，歐錦棠說早知此事：「叫新人上堂可以，但個個都十幾年經驗，佢（王征）製造緊瘋狂電視歷史，一定史上留名。」阿棠續說：「沒有最衰只有更衰，有心搞兩年前搞咗啦，我送佢四個大字，征盡台亡，王征個征，叫佢去盡啲。發牌佢死梗，邊個做到零收視零廣告，咪得佢做到。」
阿棠認為藝員任導師亦有問題：「唔係話劉錫賢唔得，但陳啟泰可以教乜？佢讀過乜？可以講幾多堂？我唔係質疑陳啟泰。」
採訪、攝影：李珮洳、溫敏芝、陳俊強
