老梁這幾個月狀態一日殘過一日，「英氣」淪為「婆仔相」──因為生病了。人格分裂、強迫性說謊症、思覺失調、失憶、前言不對後語，更重要的：疑似老人癡呆，所有具腦退化先兆的阿伯，都經院方以問答方式，觀察評估病情輕重：──
「老梁，唔駛咁緊張，我想知你老豆姓乜？」
「佢姓狼，又好似姓涼──我一時疏忽記錯咗……」
「你登記時填姓梁嘅。」
「記憶中，我冇講過我唔係姓梁。但係我處理咗，究竟姓乜嘅問題就唔存在。我亦都想向前看，姓乜係以後嘅事。」
「老豆姓乜都唔記得？」
「點解第一個打pat pat拍喊我嘅人，唔係鄧小平先生？」
「吓？有嘢隱瞞呀？」
「我開誠布公，姓乜呢個問題比較細，我唔知道要通知生死註冊署咯。」
「你叫契細佬阿波幫你摷出世紙一睇就知啦。」
「駛乜？我拎住一張凳一本簿一支筆，你肯講，我肯聽。」
「昨天嘅因，今天嘅果，老豆老母Happy先至有你，認祖歸宗先係誠信表現。」
「我要返去查吓至覆你。」