全城高喊「打救梁振英」，《蘋果》網為咗想畀大家過吓癮，整咗個game畀大家「打救」狼振英，網民分別可用爆樽、兜巴星掌摑、掟齊心摺凳、飛拖鞋四招，喺1分鐘之內用唔同武器「打救」狼振英，一於全城齊心打到夠！
被打救時，狼英會講「我唔係共產黨員」、「我冇講過我冇僭建」，狼英個鼻一路會變長，最後仲會封起磚牆同你埋單，統計閣下最鍾意用邊種武器打救佢。網址為www.tomonews.net/game/bslapcy/web/。長毛噚日就率先喺亞洲遊戲展拎咗政壇界別「末日救世者」嘅獎，佢拎起個雷神鎚，嗌咗十聲「打救梁振英」，最後變咗講粗口，全場拍爛手掌。