入行五年，王君馨大多被定型做風騷角色，但隨時間令她成熟，戲路漸廣，早前就被楊盼盼看中邀請擔任電影女主角，有很多發揮機會，君馨說：「戲入面我好慘，要俾日本人強姦，事後導演讚我演得好，原來我都做得到，後來問盼盼姐點解搵我，佢話睇到我近幾年人開始成熟，話有場強姦戲唔知我可唔可以處理到，但角色矛盾心情複雜，結果我覺得既然安排得畀我就唔好諗做唔做得，我相信天覺得我得至畀我囉。」
除了演戲，已是《舞動奇跡》舞后的君馨對音樂熱誠亦很大，最近還開始寫歌，她望不久的將來可出唱片做歌手，君馨說：「希望遲啲識個叻嘅填詞人，將我嘅故事、歌，用好靚嘅文字表達出嚟，我好享受舞台，喺舞台唱歌、表演，係我下一個目標。」
