鄧健泓與龔嘉欣分手，傳出多角戀關係。日前鄧健泓被影到與07年港姐冠軍張嘉兒同車，嘉欣昨出席活動時一副可憐相。不過本報收到另一消息，指嘉欣在今年7月返橫店拍無綫劇《金枝慾孽（貳）》期間與暗星搭上在先，令鄧健泓傷心欲絕，昨日鄧在電話中灰爆地說：「你問番佢（嘉欣），我唔知乜事。」
龔嘉欣上月單方面宣佈與拍拖兩年多的鄧健泓分手，隨即被指暗撻港男許家傑，但兩人堅稱沒有發展可能。至日前鄧健泓被影到與張嘉兒同車離開鄧健泓寓所，表面上力證鄧健泓女，但據本報收到的可靠消息，指嘉欣才是真正出軌的女人。
嘉欣曾透露與鄧健泓分手多時，但翻查兩人在微博的動向，嘉欣在今年5月鄧健泓生日時還送上祝福。但他們於今年7月嘉欣返橫店拍《金枝慾孽（貳）》後便不相往來，據悉嘉欣在拍外景期間與暗星撻着，鄧健泓得悉後傷心得日日以淚洗面。
鄧健泓冇厘神氣
記者昨日致電問鄧健泓是否嘉欣劈腿在先？他不作否認兼冇厘神氣地說：「呢啲唔回應，你問番佢，我唔知乜事。」他又自認形象差，越講越心灰說：「話我花心？我形象不嬲差，冇所謂，我承受慣。我唔係一腳踏兩船，從來都冇，嘉兒亦唔係第三者。」他強調現在是單身，他昨晚出席陳志雲的生日派對，表現「謝皮」，他一再強調張嘉兒並非第三者：「只係車埋佢就話有關係就唔好囉！」而嘉兒則否認自己是小三。
激瘦5磅扮情傷
嘉欣昨日在灣仔出席遊戲展，明顯比以前消瘦，她說：「我有健康正常飲食，可能因為情緒，瘦咗5磅。」她謂早跟鄧健泓拍拖時已知鄧健泓跟嘉兒是好友，問可信嘉兒是小三？她說：「我只可以講我唔係小三，其他留番佢哋自己答。」問可覺鄧健泓是花心男人，她想了一想，才強顏歡笑表示不回應。她強調二人仍是好朋友，但已甚少聯絡，表示如果二人真是拍拖，會透過傳媒大方送上祝福。
採訪：嵐山、文國駿
攝影：黃文偉
