唐唐「家臣」林大輝一句「昨天的因，今天的果，因果循環，報應不爽，阿彌陀佛……」，被網友封為大輝大師，人氣爆燈，人紅旺氣沒法擋，引用大輝大師所云：「此話何解？」
前晚快活谷夜馬，大輝愛駒「太奇妙」跑尾場，係八倍零嘅半冷門，同場比拼嘅有羅傑承做經理人隻團體馬「競技英雄」，亦係11倍嘅半冷門，臨場「太奇妙」砌到落五倍大熱身份開跑，羅傑承隻「競技英雄」賠率冇乜上落。
起步冇耐「競技英雄」擺咗喺前面走，「太奇妙」一於二底仔死跟，去到最後200米鬥埋一嚿，殊不知將到終點時，「競技英雄」pat pat撞到「太奇妙」，「競技英雄」先過終點，大輝提出抗議，理由係「競技英雄」打茅波！
經董事閉門研訊後，抗議成立第二變第一！羅傑承近排運氣似乎麻麻，幾隻馬今季全線食緊白果。