由「沽神」變「輸神」嘅對沖基金經理約翰保爾森（John Paulson），連大摩都離棄了。
保爾森喺金融海嘯期間押注次按爆煲大賺一筆，聲名大噪，但舊年佢旗下多隻基金蝕30%至50%不等，花旗早排率先抽資4.1億（美金．下同），新近連大摩都勸客戶贖回約1億資產。
大摩財富管理同花旗銀行早於今年5月將保爾森旗下Advantage Fund，同埋旗艦基金Advantage Plus Fund列入觀察名單，即係三個月內唔會投入新資金。呢兩個基金合共管理57億。花旗先抽4.1億，大摩近日亦勸客戶抽走約1億資金，已經要求贖回嘅有成3600萬。
但患難見真情，美銀8月講過，冇計劃撇甩保爾森，消息人士亦預期，明年資金流入可以抵銷流出，睇嚟沽神仲有粉絲。