狼振英大話精形象深入民心，難得仲有自稱無政治目的同背景嘅組織對大話視而不見，話嚟緊會發起港、九新界發起簽名同拍片行動，全力支持大話英。
一個名為「齊心行動」嘅組織，噚日就直踩政總撐狼英。據佢哋最初發畀傳媒嘅新聞稿顯示，被拍者會被問三條問題，包括點解支持梁振英、講出某啲人反梁振英原因，同埋給予梁振英「支持的說話」，但隨後佢哋改發新一批新聞稿時，就刪去呢部份內容，唔知點解呢？
組織發言人黃引祥更自爆屋企部冷氣機同衫架都屬僭建，藉此撐狼振英交代僭建時唔清楚唔出奇，因為佢「公務繁多」同「事發喺十幾年前」，所以唔構成誠信問題喎。「愛港之聲」元旦搞撐梁集會，黃生聲稱同其他團體扯唔上任何關係，組織成員亦唔打算參加當日集會喎。