講足成年的「末日」終於到來，但全地球人仍要返工。近日身邊的朋友、同事已沒有空理會「末日」，為聖誕籌謀看來更加重要。今年攞1日假就可以連放5日，不少朋友打算飛台灣過聖誕。
去台灣，一眾Hello Kitty粉絲又怎會放過乘坐那架長榮吉蒂貓專機，上月Samantha有幸坐一次，大開眼界，見女友為登上吉蒂貓專機，捉男友提早回港而嘈起上來；有廿四孝父母為子女開心，連吉蒂貓嘔吐袋都要爭，爭唔掂鬧起空姐來。當中夾雜着此起彼落的「Hello Kitty呀！」歡呼聲，亂成咁，吉蒂貓也會哭！
望過台灣兩間龍頭航空──華航和長榮的股價，走勢與其他航空股一樣跟市況走，長榮沒因此而跑贏華航。長榮自2005年推出吉蒂貓專機，希望省靚招牌，提高市佔率，繼而增加營業額。
不過，若推出的後果是令乘客得不到應有服務，恐怕得不償失！
Samantha
本欄逢周一、三、五刊出